تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

ٹمبرمارکیٹ آتشزدگی: سندھ حکومت متاثرین کی داد رسی کرنے میں ناکام

کراچی: متحدہ قومی موومنٹ کی رابطہ کمیٹی نے سانحۂ ٹمبرمارکیٹ پرشدید ردعمل کا اظہارکرتے ہوئے کہا کہ پیپلز پارٹی کی حکومت اس سارے معاملے میں کہیں بھی نظرنہیں آئی۔

ایم کیو ایم کے رہنماء منصور کا کہنا ہے کہ سانحۂ ٹمبر مارکیٹ کے متاثرین اس وقت امداد کے منتظرہیں۔

انہوں نے یہ بھی کہا کہ جب کراچی جل رہا تھا اس وقت سندھ حکومت سورہی تھی۔

قمر منصور نے یہ بھی کہا کہ کراچی میں اس طرح کے مواقع پر ڈیزاسٹر مینجمنٹ سسٹم نام کا کوئی ادارہ وجود نہیں رکھتا۔

انہوں نے انکشاف کیا کہ فائربریگیڈ کے محمکے میں کنٹریکٹ پررکھے گئے افسران کو برطرف کیا جاچکا ہے۔ انہوں نے مطالبہ کیا کہ فائر ڈیپارٹمنٹ کے لئے فوری طورپر فنڈ مختص کیا جائے۔

ایم کیوایم کے سینئررہنماء فاروق ستار کا کہنا تھا کہ ابھی تک وزیراعلیٰ قائم علی شاہ اور وزیرِ اطلاعات شرجیل میمن کسی نے بھی متاثرین کی داد رسی کرنے کی کوشش نہیں کی۔

ان کا کہنا تھا کہ اگرکراچی کے ساتھ اسی طرز کا سلوک روا رکھا گیا اور مسائل حل نہ کئے گئے تو ملک کے دوسرے حصوں کی طرح کراچی سے بھی علیحدہ صوبے کی آواز اٹھ سکتی ہے۔

Comments

- Advertisement -
فواد رضا
فواد رضا
سید فواد رضا اے آروائی نیوز کی آن لائن ڈیسک پر نیوز ایڈیٹر کے فرائض انجام دے رہے ہیں‘ انہوں نے جامعہ کراچی کے شعبہ تاریخ سے بی ایس کیا ہے اور ملک کی سیاسی اور سماجی صورتحال پرتنقیدی نظر رکھتے ہیں