ٹیکساس : امریکی شہر ڈلاس میں گستاخانہ خاکوں کی نمائش کا اہتمام ٹیکساس کے آرٹ سنٹر میں کیا گیا، گستاخانہ نمائش کے دوران فائرنگ میں ایک پولیس اہلکار زخمی جبکہ 2حملہ آور مارے گئے۔
ڈلاس میں گستاخانہ خاکوں کی نمائش جاری تھی کہ اچانک دو حملہ آوروں نے فائرنگ کردی ، جس کے نتیجے میں پولیس افسر زخمی جبکہ جوابی فائرنگ میں دونوں حملہ آور ہلاک ہوگئے، نمائش میں 75 افراد شریک تھے۔
فائرنگ کے بعد لوگوں کو بسوں کے ذریعے وہاں سے نکالا گیا جبکہ وال مارٹ اور سیم کلب کے کاروباری مراکز کو بھی خالی کرا لیا گیا ہے۔ گستاخانہ خاکوں کی نمائش کا اہتمام امریکن فریڈم ڈیفنس نامی تنظیم نے کیا تھا۔
یاد رہے کہ حضوراکرم صلی علیہ وآلہ وسلم کے گستاخاکانہ خاکے بنانے والے فرانیسیسی کارٹونسٹ ’’لوز‘‘ نے مزید خاکے نہ بنانے کا اعلان کردیا تھا۔
واضح رہے کہ فرانسیسی میگزین چارلی ہیبڈو پر گستاخانہ خاکے شائع کرنے پر جہادی گروہ نے رواں سال جنوری میں حملہ کیا تھا، جس میں 12افراد ہلاک ہوئے تھے۔
