کراچی :عوامی مسلم لیگ کے سربراہ شیخ رشید احمد کا کہنا ہے کہ پارلیمنٹ کے اندر کا دھرنا ختم اور باہر کا دھرنا جاری ہے جو نواز شریف کے اقتدار کے خاتمے تک جاری رہے گا۔
شیخ رشید احمد نے ایم کیوایم کو مشورہ دیا کہ انتظامی معاملات کو تنازعہ نہ بنائے، اسے بنکاک کے شعلے بنانے کے بجائے بغداد کی راتیں بنائے۔
کراچی میں میڈیا سے گفتگو کرتے ہوئے شیخ رشید احمد کا کہنا تھا کہ ن لیگ اور پی پی ایک ہی پارٹی ہے، اسٹینڈرڈ مختلف ہے، نواز زرادری اور زرداری نواز کی انشورنس پالیسی ہیں۔
عوامی مسلم لیگ کےسربراہ نے کہا ہے کہ سراج الحق قابل احترام ہیں، قوم کو مصر جیسی صورتحال سے بچائیں، غیر آئینی کام ہونے سے بچائیں۔
انہوں نے قوم سے اپیل کی کہ وہ باہر نکلیں کیونکہ انکا مقابلہ مکار سیاستدانوں سے ہے۔
Comments
- Advertisement -
