پاکستانی سمندری حدود سے 48 بھارتی ماہی گیر گرفتار

کراچی :میری ٹائم سیکیورٹی ایجنسی نےپاکستانی سمندری حدود کی خلاف ورزی کرنے والے اڑتالیس بھارتی ماہی گیروں کو گرفتار کرلیا ہے۔

میری ٹائم سیکیورٹی ایجنسی کے ذرائع کے مطابق بھارتی ماہی گیروں کی آٹھ کشتیاں تحویل میں لے لی گئیں، میری ٹائم سیکیورٹی ایجنسی کا کا کہنا ہے کہ بھارتی ماہی گیروں کو کاجر کریک کے مقام پر پاکستانی سمندری حدود میں گرفتار کیا گیا ہے، کشتیوں میں اڑتالیس بھارتی ماہی گیر سوار تھے۔

میری ٹائم حکام کا کہنا ہے کہ حراست میں لئے گئے بھارتی شہریوں کو قانونی کارروائی کے لئے ڈاکس تھانے کے حوالے کیا جائے گا۔

Comments