راولپنڈی: پاکستانی نژاد برطانوی باکسرعامرخان نے آرمی چیف راحیل شریف سے ملاقات کی اور سانحۂ پشاور پر افسوس کا اظہار کیا، ملاقات کے بعد آرمی پبلک اسکول پشاور کا دورہ بھی کیا، عامر خان کا کہنا تھا کہ سانحۂ پشاور کے دکھ کو الفاظ میں بیان نہیں کرسکتا۔
پاکستانی نژاد برطانوی باکسرعامر خان آرمی چیف جنرل راحیل شریف سے ملاقات کے دوران سانحۂ پشاور پر افسوس کا اظہار کیا، آرمی چیف سے ملاقات کے بعد عامر خان نے پشاور میں آرمی پبلک اسکول کا دورہ کیا اور شہداء کی تصاویر دیکھ کر رنج اور دکھ کا اظہار کیا۔
باکسر عامر خان نے میڈیا سے بات کرتے ہوئے کہا کہ پشاور اسکول پر حملہ ہمارے مستقبل پر حملہ ہے، عامرخان نے سانحۂ پشاور کےشہداء کے اہلخانہ سے یکجہتی کا اظہار کرتے ہوئے کہا کہ ہمیں دہشت گردی سے نمٹنا ہے اور بچوں کو ہرصورت تعلیم سے آراستہ کرنا ہے ۔
عامر خان نے مزید کہا کہ پاکستان پُرامن ملک ہے، یہاں ہر کوئی امن چاہتا ہے۔
