بریڈ فوڈ: برطانوی الیکشن میں بریڈفورڈ سے انتخاب جیتنے والی نازشاہ کا کہنا ہے کہ پاکستانی ہونے پرفخر ہے۔ خواتین کے حقوق کے لئے آواز اٹھانا میرا مقصد ہے۔
برطانیہ کے انتخابات میں کامیابی پانے والے پاکستانی نژادبرطانوی شہریوں میں نمایاں نام نازشاہ کا ہے۔ لیبرپارٹی کی نازشاہ نے اے آروائی نیوز سے خصوصی گفتگوکرتے ہوئے کہا کہ پاکستانی جہاں بھی ہوں، اچھے کاموں کے ذریعے ملک کا نام روشن کرسکتے ہیں، پاکستانی ہونے پرفخر ہے۔
نازشاہ نے منجھے ہوئے سیاستدان جارج گیلوے کوبریڈ فورڈ میں شکست دی۔
نازشاہ کا کہنا ہے کہ انہوں نے بچپن میں کافی مشکلات سہیں، ان کی والدہ کو قتل کے جرم میں چودہ سال قید کی سزا کاٹنی پڑی، جس نے ان کی شخصیت کو تبدیل کردیا۔ پندرہ سال کی عمر میں جبری شادی کردی گئی، تمام ناموافق حالات سے گزر کر بھی ہمت نہیں ہاری۔
نازشاہ کا کہنا ہے کہ ہرتکلیف نے انہیں اسٹیٹس کو کے خلاف لڑنے کے لئے طاقت دی، نازشاہ کا کہنا ہے میری والدہ چاہتی تھیں کہ خواتین خصوصاًجیل میں قید خواتین کے لئے کام کروں، ظلم ونا انصافی کے خلاف کام کرتی رہوں گی۔
