کراچی: ملک کےکسی حصےسے ذوالحج کاچاند نظر آنےکی شہادت نہیں ملی،چاندنظرآنےکاوقت بھی ختم ہوگیا،ملک بھرمیں عیدالاضحیٰ چھ اکتوبرکوہوگی ۔
پاکستان میں ذی الحج کا چاند دیکھنے کے لیے مرکزی رویت ہلال کمیٹی کا اجلاس مفتی منیب الرحمان کی سربراہی میں کراچی میں ہوا جس میں دیگر مکاتب فکر سے تعلق رکھنے والے علمائے کرام اور ماہرفلکیات نے بھی شرکت کی جبکہ اس کے علاوہ ملک کے دیگر شہروں لاہور،پشاور اسلام آباد میں بھی چاند دیکھنے کے لیے زونل کمیٹیوں کے اجلاس ہوئے جہاں ملک کے کسی بھی حصے سے چاند نظر آنے کی کوئی شہادت موصول نہیں ہوئی جس کے بعد زونل کمیٹیوں نے چاند کی شہادتوں سے متعلق مرکزی کمیٹی کو آگاہ کیا تاہم چاند نظر نہ آنے کا حتمی اعلان مفتی منیب الرحمان پریس کانفرنس میں کیا۔
محکمہ موسمیات نے بھی آج پاکستان میں چاند نظر نہ آنے کی تصدیق کر دی ہے لہذاٰ پاکستان میں یکم ذی الحج 27ستمبر کو ہو گی جبکہ عید الاضحی 6اکتوبر کو منائی جائے گی۔
