اسلام آباد: پاکستان کے سیکریٹری خارجہ اعزاز چوہدری نے کہا ہے کہ پاکستان میں ہونے والی دہشت گردی میں را ملوث ہے ۔
پاکستان کے سیکریٹری خارجہ اعزاز چوہدری نے کہا ہے کہ پاکستان میں ہونے والی دہشتگردی میں بھارتی خفیہ ایجنسی را ملوث ہے، جس کے ثبوت بھارت کو فراہم کئے جاچُکے ہیں۔
اُن کا کہنا تھا کہ ملک میں ابھی دہشت گردی کی باقیات موجود ہیں اور یہی باقیات سانحہ کراچی جیسی کاروائیوں میں ملوث ہیں۔
اعزاز سید نے کہا کہ پاکستان گذشتہ پندرہ برسوں سے دہشت گردی کیخلا ف جنگ لڑرہا ہے اور ہم اسے منطقی انجام تک پہنچائیں گے۔
اُنہوں نے کہا کہ کچھ عرصہ پہلے پشاورمیں بھی کراچی جیسی کاروائی کی گئی تھی۔
سیکریٹری خارجہ نے کہا کہ پاکستان ایک ذمہ دار ایٹمی ریاست ہے اور ہم ایٹمی عدم پھیلاؤ کے اصولوں پر کاربند ہیں لیکن اس شعبے میں جدید ٹیکنالوجی سے بھی فائدہ اُٹھا رہے ہیں۔
