کراچی: پاکستان نے بنگلہ دیش کے لئے فلائٹ آپریشن بند کرنے کا فیصلہ کرلیا ہے، بنگلہ دیش میں ملازمین کو ہراساں کیا جارہا ہے۔
بنگلہ دیشی حکام نے بھی بھارتی بھاشا اختیار کرلی، پاکستان کے ساتھ غیر مہذب رویہ کی وجہ سے پی آئی اے نے بنگلہ دیش کیلئے فلائٹ آپریشن بند کرنے کا فیصلہ کرلیا۔
بھارت کے بعد بنگلہ دیش بھی اوچھے ہتھکنڈوں پر اتر آیا اور قومی ایئرلائن کے ملازمین کو ہراساں کرنا شروع کردیا ہے۔
ذرائع کے مطابق پی آئی اے کے اسٹیشن منیجرعلی عباس کو بنگلہ دیش کے حساس اداروں نے گرفتار کیا پوچھ گچھ اور تشدد کے بعدعلی عباس کو ملک بدر کردیا۔
بنگلا حکام نے الزام عائد کیا ہے پی آئی اے کاعملہ جعلی کرنسی میں ملوث ہے۔
گذشتہ روز ڈھاکا سے کراچی آنیوالی پرواز پی کے ٹو سکس سکس کی حساس اداروں نے تین گھنٹے تلاشی لی۔
ترجمان پی آئی اے کے مطابق بنگلہ دیش کے حساس ادارے پی آئی اے ملازمین کو دو ماہ سے ہراساں کر رہے ہیں، ہائی کمشنر کے ذریعے معاملے کو حل کرنے کیلئے حکومت سے رابطہ کیا گیا ہے۔