پاک فضائیہ ہر طرح کے خطرات سے نمٹنے کیلئے تیار ہے، ایئر چیف مارشل

رسالپور: پاکستان ائیرفورس اکیڈمی میں ایک سو بتیسویں جی ڈی پائلٹ پاسنگ آؤٹ پریڈ کی تقریب سے خطاب کرتے ہوئے ائیر چیف مارشل طاہر رفیق بٹ نے کہا ہے کہ پاک فضائیہ ہر طرح کے خطرات سے نمٹنے کیلئے تیار ہے۔

رسالپور میں پاکستان ائیر فورس اکیڈمی میں ایک سو بتیسویں جی ڈی پائلٹ پاسنگ آؤٹ پریڈ کی تقریب ہوئی، مہمان خصوصی ائیر چیف مارشل طاہر رفیق بٹ نے گارڈ آف آنر کا معائنہ کیا۔

تقریب سے خطاب کرتے ہوئے انہوں نے پاس آؤٹ جوانوں کے والدین کو مبارکباد دیتے ہوئے کہا ہے کہ فضائیہ کی روایت بہادری سےآگے بڑھنےکی ہے، پاک فضائیہ اندرونی اوربیرونی خطرات سے نمٹنے کے لیے ہر وقت چوکس ہے۔

تقریب میں پاک فضائیہ کے سربراہ، غیر ملکی سفارتکار، اعلی فوجی اور سول حکام سمیت کیڈٹس کے والدین نے شرکت کی، اس موقع پر شیردل اسکوارڈن نے فضائی کرتب کا شاندار مظاہرہ بھی کیا۔

Comments