تازہ ترین

پاک فوج نے دہشتگردوں کے90فیصد ٹھکانے تباہ کردیے، وزیرِاعظم

اسلام آباد: وزیرِاعظم نوازشریف نے کہا ہے کہ دہشت گردوں کے خلاف آپریشن ضربِ عضب مکمل کامیابی کے ساتھ جاری ہے اور فوج نے شدت پسندوں کےنوے فیصد ٹھکانے تباہ کردیے ہیں۔

وزیرِاعظم نے سعودی اخبارات کو انٹرویو میں کہا کہ دہشت گردی ختم کرنے کے لئے خطےمیں دوست ممالک کے ساتھ تعاون کررہے ہیں، سعودی میڈیا کے مطابق نواز شریف نے سعودی قیادت کو یقین دلایا کہ سعودی عرب کی سلامتی پر کوئی آنچ نہیں آنے دیں گے، اس کے خلاف جارحیت کا منہ توڑ جواب دیا جائے گا ۔

بھارت کے بارے میں وزیرِاعظم نواز شریف نے کہا ہے کہ بھارت نے مذاکرات کے عمل کو یکطرفہ طور پر معطل کیا ہے، پاکستان، بھارت کے ساتھ تعلقات استوار کرنا چاہتاہے لیکن پاکستان کی کوششوں کا مثبت جواب نہیں مل رہا۔

انہوں نے کہا کہ پاکستان، جموں وکشمیر سمیت تمام تنازعات پر بھارت سے تعمیری مذاکرات کا خواہاں ہے۔

Comments

- Advertisement -