پشاور: پاک فوج کی ريسکيو ٹيميں طوفان سے متاثرہ علاقوں میں امدادی کاررائيوں ميں مصروف ہيں، پخا غلام کی مرکزی شاہراہ ٹریفک کے لئےکھول دی گئی ہے۔
آئی ایس پی آرکاکہنا ہے کہ فوج نے پشاور، چارسدہ اوردیگرمتاثرہ علاقوں میں امدادی سرگرمیاں شروع کردیں ہیں۔
گزشتہ روز ہونے والی طوفانی بارش میں لگ بھگ 45 افراد جاں بحق جبکہ 200 سے زائد زخمی ہوگئے ہیں۔
پاک فوج کی 20 سے زائد امدادی ٹیمیں ضلعی انتظامیہ کی مددکررہی ہیں،فوج کےدستےپشاورکےنواحی علاقےپخاغلام میں بھی ریسکیوآپریشن کررہے ہیں فوج کےجوان ہیوی مشیری سے راستوں اوردیگرجگہوں سے رکاوٹیں دور کررہے ہیں اورمرکزی شاہراہ کھول دی گئی ہے۔
محکمۂ موسمیات کا کہنا تھا کہ پشاور میں سائیکلون کے سبب ہونے والی بارشوں کا سلسلہ اب تھم چکا ہے۔ محکمے نے یہ بھی کہا کہ ایک دم پیش آنے والی ارضیاتی تبدیلیوں کی پیشن گوئی نہیں کی جاسکتی۔
