تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

پرویز مشرف نے وارنٹ گرفتاری اسلام آباد ہائی کورٹ میں چیلنج کردی

اسلام آباد: سابق صدر جنرل پرویز مشرف نے اپنی وارنٹ گرفتاری اسلام آباد ہائی کورٹ میں چیلنج کردی۔

سابق صدر پرویز مشرف نے عبدالرشید غازی قتل کیس میں جاری وارنٹ گرفتاری کے خلاف نظر ثانی کی درخواست اسلام آباد ہائی کورٹ میں دائر کر دی ہے۔

سابق صدر پرویز مشرف کے وکیل ملک طاہر محمود نے اسلام آباد ہائی کورٹ میں درخواست دائر کی، جس میں میں سابق صدر پرویز مشرف نے ایڈیشنل سیشن جج واجد علی کے ناقابل ضمانت وارنٹ گرفتاری حکم کو کالعدم قرار دینے کے حوالے سے درخواست کی ۔

درخواست میں مؤقف اختیار کیا گیا ہے کہ ماتحت عدالت نے بیماری سے متعلق میڈیکل رپورٹ کو مدِ نظر نہیں رکھا،لہذا ہائی کورٹ ماتحت عدالت کی جانب سے ناقابلِ ضمانت وانٹ گرفتاری کو کالعدم قرار دے ،  درخواست میں حاضری سے استثنی کیلئے بھی اپیل کی گئی۔

اس کے علاوہ درخواست میں کہا گیا ہے کہ ماتحت عدالت نے ضمانت کے مچلکے ضبط کئے ہیں، ان کو بحال کرے۔

درخواست کو آج اسلام آباد ہائی کورٹ کے رجسٹرار آفس نے منظور کرلیا ہے، جسے اسلام آباد ہائی کورٹ کے چیف جسٹس جسٹس انور خان کاسی مارکنگ کے بعد سماعت آج  کریں گے۔

یاد رہے کہ گزشتہ روز ایڈیشنل سیشن جج واجد علی خان نے عبدالرشید غازی قتل کیس میں سابق صدر پرویز مشرف کے ناقابلِ ضمانت  وارنٹ گرفتاری جاری کرنے کا حکم دیا تھا اور فیصلہ سناتے ہوئے استثنی کی دراخوست مسترد کردی تھی جبکہ اور سابق صدر پرویز مشرف کے دو ضامن کی گارنٹیاں بھی منسوخ کردی تھی۔

Comments

- Advertisement -