پشاور : بلدیاتی انتخابات کے امیدواروں کو عجیب وغریب انتخابی نشانات الاٹ کردیئے گئے۔غیرمناسب نشانات پر امیدواروں نے شدید احتجاج کرتے ہوئے نشانات تبدیل کرنے کا مطالبہ کردیا۔
تفصیلات کے مطابق پشاورمیں بلدیاتی انتخابات کی تیاریاں زورو شور سے جاری ہیں۔ الیکشن کمیشن نےامیدواروں کو انتخابی نشانات الاٹ کئے تو خود امیدوارحیران رہ گئے۔
کسی کے حصے میں گاجر آئی۔ کسی کو مولی ملی اورالیکشن کمیشن کو کچھ نہ ملا تو ایک امیدوار کو فیڈر ہی پکڑا دی۔ اس کے علاہ مونچھ، پاجامہ ، دل، بالیاں، مگرمچھ، کیلےکا چھلکا جو دل چاہا انتخابی نشان دے ڈالا۔
عجیب و غریب نشانات ملنے پر امیدواروں نے شدید احتجاج کرتے ہوئے مطالبہ کیا کہ غیرمناسب نشانات فوری طور پر تبدیل کئے جائے۔
ادھر الیکشن کمیشن نے بلدیاتی انتخابات میں سیکیو رٹی کے لئے مختلف کمیٹیاں قائم کردی ہے جوایڈیشنل ڈی سی کی سربرا ہی میں اپنی ذمہ داری سرانجام دے گی۔ پولنگ اسٹشین عملے کو سامان کی ترسیل کے لئے ایک ہزار گا ڑیاں دی جا ئے گی۔
