پشاور: ٹارگٹ کلنگ کے واقعہ میں حشت نگری میں مسلح افراد کی فائرنگ سے ایک سکھ ہلاک جبکہ دو زخمی ہوگئے، ورثاء نے مین جی ٹی روڈ پر لاش رکھ کر احتجاجی مظاہرہ کیا۔
پشاور تھانہ حشت نگری کی حدود میں مسلح ٹارگٹ کلرز نے سکھ برادری سے تعلق رکھنے والے تین افراد کو گولیوں کا نشانہ بنایا، جس کے نتیجے میں ایک سکھ شہری ہلاک جبکہ دو زخمی ہوگئے۔ جنہیں طبی امداد کے لئے لیڈی ریڈنگ اسپتال منتقل کیا گیا۔
ڈاکٹر کے مطابق زخمیوں کی حالت خطرے سے باہر ہے، سکھ برادری نے لاش کو جی ٹی روڈ پر رکھ کر احتجاجی مظاہرہ کیا اور صوبائی حکومت کے خلاف شدید نعرے بازی کی۔ سکھ برادی نے حملہ آوروں کی فوری طوری پر گرفتاری کا مطالبہ کیا۔
دھرنے کی وجہ سے جی روڈ اور اطراف کے علاقوں میں بدترین ٹریفک جام ہوگیا، ٹریفک معطل ہونے کی وجہ سے شہریوں کو گھنٹوں زحمت کا سامنا کرنا پڑا، سکھ برادری کے سربراہ سرجیت سنگھ سے اکلیت امور کے مشیر نے مذاکرات کئے جو ناکام رہے۔
