پشاور: عمران خان پشاور میں طوفانی بارش سے زخمیوں کی عیادت کیلئے پہنچ گئےان کا کہنا تھا کہ کل ہی آنا تھا، مریضوں کو پریشانی سے بچانے کیلئے نہیں آیا۔
میڈیا اور سیاسی رہنماؤں کی مسلسل تنقید کے بعد عمران خان بالآخر آج پشاور پہنچے، طوفانی بارشوں سے زخمی ہونیوالے افراد کی عیادت کیلئے لیڈی ریڈنگ اسپتال پہنچے تو اہلیہ ریحام خان بھی ہمراہ تھیں ۔
عمران خان نے زخمیوں کی عیادت کی اور ڈائیریکٹر ہاسپٹل ڈاکٹر عدنان تاج سے ملاقات میں زخمیوں سے متعلق تفصیلات لیں ۔
میڈیا سے گفتگو میں پی ٹی آئی چیئرمین عمران خان کا کہنا تھا کہ ڈاکٹرز نے آنے سے منع کیا تھا اس لئے کل نہیں آیا عمران خان کا کہنا تھا کہ تنقید کا جواب جان بوجھ کر نہیں دیا وزیر اعلیٰ اور میں ڈاکٹر سے رابطے میں تھے ۔
بارش اورآندھی کے بعد لیڈی ریڈنگ اسپتال زخمیوں سےبھرگیا تھا اورانتظامیہ نےمزید زخمی لینےسےانکارکردیا تھا کپتان نےیقین دلایا کہ تین ماہ میں اسپتال کی حالت بہترہوجائےگی۔
