پشاور: خیبر پختونخواہ کا صوبائی دارالحکومت ایک بار پھر دہشت گردوں کی زد پر آگیا، بم دھماکے کے نتیجے میں ایک پولیس اہلکارشہید جبکہ ایک شدید زخمی ہوگیا۔
پشاور کےعلاقے ورسک روڈ علی الصبح ایک زوردار دھماکے سے گونج اٹھا، دھماکے کی آواز دوردراز کے علاقوں میں سنی گئی اور آواز سنتے ہی پولیس اور ریسکیو اہلکار جائے وقوعہ کی جانب روانہ ہوگئے۔
ذرائع کے مطابق دھماکہ خیز بارودی مواد موٹر سائیکل میں نصب تھا جس کا نشانہ سیکیورٹی پرمامور دو پولیس اہلکار بنے جن میں سے ایک شہید جبکہ دوسرا شدید زخمی ہوگیا جسے طبی امداد کے لئے قریبی اسپتال منتقل کردیا گیا ہے۔
دھماکے کے بعد پولیس اور سیکیورٹی اداروں نے جائے وقوعہ کو گھیرے میں لے کر آمدو رفت کے لئے بند کردیا ہے اور شواہد جمع کرنے شروع کردئے ہیں۔
Comments
- Advertisement -
