تازہ ترین

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

پشاورمیں طوفانی بارش، 35افراد جاں بحق، متعدد زخمی

 پشاور: طوفانی بارش اورآندھی نے تباہی مچادی ہے پچیس افراد جاں بحق جبکہ درجنوں زخمی ہوگئے۔

 تفصیلات کے مطابق پشاور شہر میں تیز آندھی اور موسلا دھار بارش کے باعث کئی گھروں کی دیواریں اور چھتیں گر گئیں، اطلاعات کے مطابق پینتیس افراد جاں بحق ، جب کہ دو سو سے زائد افراد زخمی ہوگئے۔

طوفانی بارشوں اور شدید آندھی نے پشاور اور مضافاتی علاقوں میں تباہی مچادی،درجنوں کچے مکانات کی دیواریں گر گئیں چھتیں اڑ گئیں جبکہ درخت اکھڑ گئے ۔

 پشاور کے تمام اسپتالوں میں ایمرجنسی نافذ کردی گئی، متاثرہ علاقوں میں امدادی سرگرمیاں جاری ہیں، چھتیں گرنے کے واقعات چارسدہ روڈ، پخہ غلام، بدھو ثمر باغ، شب قدر اور بڈھنی میں پیش آئے جب کہ موسلا دھار بارش کے باعث امدادی کارروائیوں میں مشکلات کا سامنا ہے۔

پخہ غلام کے علاقے میں بارش اور تیز آندھی سے کئی چھتیں اور درخت گر گئے جس سے کئی افراد جاں بحق اور زخمی ہوئے، شب قدر کے علاقے میں مکان کی چھت گرنے سے میاں بیوی جاں بحق جب کہ ناصر باغ جی ٹی روڈ پر دو مکانوں کی چھتیں گرنے سے متعدد افراد جاں بحق اور زخمی ہوئے۔

 تیز آندھی اور بارش کے باعث جاں بحق افراد میں بچے اور 2 بہنیں بھی شامل ہیں۔ محکمہ موسمیات کے مطابق پشاور شہر میں تیز آندھی کی رفتار 110 کلو میٹر فی گھنٹہ ریکارڈ کی گئی اور آئندہ 24 گھنٹوں میں پشاور، ہزارہ اور مالاکنڈ ڈویژن میں آندھی اور تیز بارش کی پیش گوئی کی گئی ہے۔

Comments

- Advertisement -