پشاور: پولیس موبائل پر دستی بم سے حملہ کرنے والا ایک حملہ آور گرفتار جبکہ ایک ملزم فرار ہونے میں کامیاب ہوگئے، گرفتاری کے لیے چھاپوں کا سلسلہ جاری ہے۔
پشاور تھانہ داؤد زئی کی حدود میں پولیس موبائل معمول کے گشت پر تھی کہ کہ مقامی پولیس نے دو مشتبہ موٹرسائیکل سوار کو رکنے کا اشارہ کیا گیا، جس پر انہوں نے پشاور پولیس پر دستی بم پھنکا ، جس سے پولیس کی گاڑی کو نقصان پہنچا۔
پولیس نے حملہ آروں کا تعاقب کرتے ہوئے ایک کو گرفتار کرلیا جبکہ ایک فرار ہوگیا۔
پولیس حکام کے مطابق گرفتار ملزم نعم سکنہ دواد زئی دشمنی کے لیے دستی بم لے جا رہا تھا، جس کو پولیس مقابلے کے بعد گرفتار کیا گیا ہے، پولیس کے مطابق ملزم کے ساتھی کی گرفتار کے لیے چھاپوں کا سلسلہ جاری ہے۔
گرفتار ملزم نعم کو پشاور پولیس پہلے ہی اشتہاری قراد دے دیا گیا تھا تاہم اب تھانہ دوادزئی میں ملزم کے خلاف دہشت گردی کی دفعات کے تحت مقدمات درج کئے گئے ہیں۔
ایس ایس پی آپریشن کے مطابق گرفتار ملزم کا نام نعیم اللہ ہے، جو پولیس کو متعدد مقدمات میں مطلوب تھا، فرار ہونیوالے ملزم کی تلاش جاری ہے
