پشاور: ائیرپورٹ پر حملہ کرنے والے دہشتگرد کیمیا گل دو ساتھیوں سمیت مارا گیا، دہشت گرد نے جون دو ہزار چودہ میں ائیرپورٹ پر حملہ کیا تھا۔
پشاور متنی سے ملنے والی لاشیوں کی شناخت ہوگئی، تینوں لاشیں مطلوب دہشت گردوں کی ہیں، جو باچا خان ائر پورٹ حملے سمیت پولیس فورسسز پر حملوں میں ملوث تھے۔
پشاور میں جون دو ہزار چودہ میں باچا خان ائیر پورٹ پر جہاز پر فائرنگ کے واقعے میں انکشافات اس وقت سامنے آئے جب 6 روز قبل متنی کے علاقے سے 3 نامعلوم افراد کی لاشیں برآمد ہوئیں، جنھیں تفتیش کے لیے مقامی پولیس کے حوالے کیا گیا تو 6 روز بعد لاشیوں کی شناخت ہوئی۔
جس سے پتہ چلا کہ ہلاک ہونے والے تینوں دہشت گرد تھے اور یہ دہشت گرد ایئر پورٹ حملے میں بھی ملوث تھے، جن کے نام کمیا گل اور اس کے دو ساتھیوں نور محمد اور شیر محمد ہے۔
پولیس ذرائع کے مطابق تینوں دہش گردوں کا تعلق خیبر ایجنسی کی کالعدم تنظیم سے ہے ۔
پولیس ذرائع کے مطابق کیمیا گل اور ہلاک دو ساتھی کوہاٹ روڈ پولیس اورشیخ محمد گرڈ اسٹیشن حملوں سمیت دہشتگردی کے متعددوارداتوں میں مطلوب تھے، کیمیا گل اور اسکے ساتھیوں نے جون دو ہزار چودہ میں باچا خان ائیر پورٹ پر جہازوں پر بھی فائرنگ کی تھی۔ دہشت گرد پر پشاور کے مختلف تھانوں میں کئی مقدمات بھی درج تھے۔
