تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

پشاور: تجاوزات کے خلاف آپریشن، تین افراد جاں بحق

پشاور: ناجائزتجاوزات کے خلاف جاری آپریشن میں تین افراد کرین کی زد میں آکرجاں بحق ہوگئے ہیں۔

پشاور کے علاقے چوک گھنٹہ گھرمیں حکومت کی جانب سے ناجائز تجاوزات کے خاتمے کے لئے جاری آپریشن کے دوران پولیس اور دوکانداروں میں تصادم ہوا۔ ذرائع کے مطابق دوکاندار انتطامیہ کو کاروائی کرنے سے روک رہے تھے جنہیں منتشر کرنے کے لئے پولیس نے ہوائی فائرنگ کی جس کے نتیجے میں بھگڈرمچنے پرکرین کی زد میں آکرتین افراد کچل کر جاں بحق ہوگئے۔

عینی شاہدین کے مطابق ہنگامہ آرائی کے دوران ڈرائیور کرین چھوڑ کر موقع واردات سےفرارہوگیا۔

خیبر پختونخواہ کے صوبائی وزیر اطلاعات مشتاق غنی نے اے آر وائی نیوز سے گفتگو کرتے ہوئے کہا کہ کرین کے ڈرائیور نے غفلت کا مظاہرہ کیا۔ انہوں نے کہا کہ ملک بھرمیں ناجائز تجاوزات کے خلاف کاروائی جاری ہے اوراس سلسلے میں نوٹس بھی دئیے جاچکےتھے۔

اس موقع پرایک دوکاندار نے اے آروائی نیوز سے گفتگو کرتے ہوئے کہا کہ یہ جو ظلم ہوا ہے اسے ہم کبھی نہیں بھول سکتے۔
جائے وقوعہ پر جاں بحق ہونے والے افراد کے اہلِ خانہ اور دوکانداروں کا احتجاج جاری ہے جس میں پولیس اورانتظامیہ کے خلاف شدید نعرے بازی کی جارہی ہے۔

Comments

- Advertisement -
فواد رضا
فواد رضا
سید فواد رضا اے آروائی نیوز کی آن لائن ڈیسک پر نیوز ایڈیٹر کے فرائض انجام دے رہے ہیں‘ انہوں نے جامعہ کراچی کے شعبہ تاریخ سے بی ایس کیا ہے اور ملک کی سیاسی اور سماجی صورتحال پرتنقیدی نظر رکھتے ہیں