پشاور: ایبٹ آباد آپریشن کے اہم کردار اور اسامہ بن لادن کی مخبری کرنے والے ڈاکٹر شکیل آفریدی کے سابق وکیل کو فائرنگ کرکے قتل کردیا گیا۔
پولیس کے مطابق ڈاکٹر شکیل آفریدی کے سابق وکیل سمیع اللہ آفریدی اپنے اسسٹنٹ کے ہمراہ گھر جارہے تھے کہ موٹر سائیکل سواروں نے انکی گاڑی پر پشاور کے علاقے مترا میں فائرنگ کی گئی، جس کے نتیجے میں سمیع اللہ کو شدید زخمی ہوئے اور لیڈی ریڈنگ اسپتال منتقل کرنے کے دوران جانبر نہ ہو سکے
ذرائع کے مطابق سمیع اللہ آفریدی کو ڈاکٹرشکیل کیس کی پیروی کرنے پر دھمکیاں مل رہی تھی، جس کے باعث وہ 3 ماہ پہلے دبئی چلے گئے تھے اور حال ہی میں بیرون ملک سے پاکستان آئے تھے۔
واقعے کے بعد پولیس نے متھرا اور ملحقہ علاقوں میں سرچ آپریشن شروع کردیا ہے
Comments
- Advertisement -
