تازہ ترین

پشاور: فورسز کا سرچ آپریشن ،غیر ملکیوں سمیت500مشتبہ افراد گرفتار

پشاور: خیبر پختونخوا میں سیکورٹی فورسز نے مختلف شہروں سے آپریشن کے دوران بیالیس غیر ملکیوں سمیت پانچ سو سے زائد مشتبہ افراد کو حراست میں لے لیا ہے۔

پولیس ذرائع کے مطابق نیشنل ایکشن پلان کے تحت صوبے بھر میں گرینڈ سرچ آپریشن کیا گیا، سرچ آپریشنز کے دوران گھروں اور ہوٹلوں کی تلاشی لی گئی۔

پشاور سمیت کئی شہروں سے پانچ سو پندرہ مشتبہ افراد کو حراست میں لیا گیا ہے۔

جن میں غیرقانونی طور پر مقیم بیالیس افغان باشندے بھی شامل ہیں، گرفتار ملزمان سے اسلحہ اور منشیات بھی بر آمد ہوئی۔

آئی جی کے پی کے ناصر خان دورانی کے مطابق آپریشن کے دوران اسکولوں کی سیکیورٹی کا بھی جائزہ لیا گیا، ناقص سیکیورٹی ہونے پر اسکول انتظامیہ کو نوٹس بھی جاری کئے گئے۔

Comments

- Advertisement -