تازہ ترین

پشاور: پارلیمانی پارٹیوں کا اجلاس آج طلب

پشاور: وزیرِاعظم نواز شریف نے پارلیمانی جماعتوں کا اجلاس آج گورنر ہاوٴس پشاور میں طلب کرلیا ہے۔

اجلاس میں سانحۂ پشاور کے بعد کی صورتحال کا تفصیلی جائزہ لیا جائے گا، آپریشن ضربِ عضب اور دہشت گردی سے نمٹنے کے لیے اجلاس میں قومی رہنماوٴں کے ساتھ مشاورت کی جائے گی۔

دن ساڑھے گیارہ بجے ہونے والے اجلاس کے لیے وفاقی وزراء پرویز رشید اور اسحاق ڈار کو وزیراعظم نے یہ ذمہ داری سونپی ہے کہ وہ اس اجلاس میں شرکت کے لیے پارلیمانی رہنماوٴں کو مدعو کریں۔

جماعت اسلامی کی جانب سے اجلاس میں سراج الحق شریک ہوں گے ، مشاہد حسین سید ق لیگ کی نمائندگی کریں گے جبکہ عمران خان پی ٹی آئی کی نمائندگی کریں گے۔

Comments

- Advertisement -