اسلام آباد: تحریک انصاف کے سربراہ عمران خان نے حکومت کے خلاف ایک بار پھر سڑکوں پر آنے کی دھمکی دے دی۔
قومی اسمبلی میں خطاب کرتے ہوئے عمران خان کا کہنا تھا کہ پاناما لیکس کے الزامات کی تحقیقات کے لیے چیف جسٹس کی سربراہی میں کمیشن بنایا جائے اور اس میں فارنزک ماہرین کو بھی شامل کیاجائے۔
عمران خان کا کہنا تھا کہ پاناما لیکس اپوزیشن کی سازش نہیں، اس کے ذریعے وہ کچھ سامنے آیا ہے جو چھپایا جاتا ہے، انکا کہنا تھا کہ الزامات پاناما پیپرز نے لگائے ہیں۔ جس میں وزیراعظم کے بچوں کا نام بھی سامنے آیا ہے۔ پاناما لیکس کے انکشافات کا معاملہ حساس نوعیت کا ہے اسے نظرانداز نہیں کرسکتے، اس میں وزیراعظم پاکستان پر چار بڑے الزامات ہیں، جس انہیں قوم کو جواب دینا ہوگا۔
انہوں نے کہا کہ شفاف تحقیقات نہ کی گئیں تو سڑکوں پرآنے کے علاوہ کوئی اور راستہ نہ ہوگا وزیراعظم پرٹیکس نادھندگی اوراثاثے چھپانے کاالزام ہے،منی لانڈرنگ اورالیکشن کمیشن سےغلط بیانی کے الزام بھی ہیں حکمران کرسی بچانےکےلیےشوکت خانم کونشانہ بنارہے ہیں۔
