تازہ ترین

پولیوٹیم کی سیکورٹی پرمامورپولیس اہلکارفائرنگ سے شہید

کراچی: پولیو ٹیم کی حفاظت کرنے والا پولیس اہلکار نامعلوم افراد کی فائرنگ سے جاں بحق،مہم روک دی گئی ۔

تفصیلات کے مطابق عباسی شہید اسپتال کے قریب فائرنگ سے انسدادپولیوٹیم کی سیکیورٹی پرتعینات پولیس اہلکارجاں بحق ہوگیا۔ جس کے بعد یونین کونسل گیارہ میں مہم روک دی گئی۔

دہشت گرد قوم کے مستقبل کو معذور کرنے کیلئے دوبارہ سرگرم ہوگئے ۔ کراچی میں ایک بار پھرانسداد پولیو ٹیم کی سیکیورٹی پرتعینات پولیس اہلکار کو نشانہ بنایا گیا۔

شہرمیں گیارہ حساس یونین کونسلوں میں انسداد پولیو مہم جاری تھی۔ عباسی شہید اسپتال کے قریب انسداد پولیو ٹیم گھر گھر جا کر بچوں کو ویکسین کے قطرے پلا رہی تھی کہ اچانک نامعلوم افراد نے فائرنگ کردی۔

فائرنگ سے پولیو رضاکاروں کی سیکیورٹی پر مامور پولیس اہلکارموقع پر ہی جاں بحق ہوگیا۔

ڈپٹی کمشنر سینٹرل ڈاکٹر سیف الرحمان کا کہنا ہے کہ پولیس اہلکار کی ہلاکت کے بعد یونین کونسل گیارہ میں پولیو سے بچاؤ کی مہم روک دی گئی ہے جبکہ بیالیس یونین کونسلزمیں انسداد پولیو مہم شام پانچ بجے تک جاری رہے گی۔

Comments

- Advertisement -