تازہ ترین

بابر اعظم کو دوبارہ قومی ٹیم کا کپتان بنانے کا فیصلہ ہو گیا

پاکستان کرکٹ بورڈ نے بابر اعظم کو ایک بار...

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

پٹرول بحران حکومت کے خلاف سازش کا نتیجہ لگتا ہے ، اسحاق ڈار

اسلام آباد: وفاقی وزیرِخزانہ اسحاق ڈار کا کہنا ہے کہ جاپان توانائی کے شعبے میں فنڈنگ کرنے پرتیارہوگیا ہے،ان کا کہنا تھا کہ پٹرول بحران سے متعلق قیاس آرائیاں کی جارہی ہیں بحران کا ادائیگیوں سے کوئی تعلق نہیں ہے۔

اسلام آباد میں میڈیا سے گفتگو کرتے ہوئے ان کا کہنا تھا کہ ٍجاپان اورپاکستان کے درمیان انفارمیشن گیپ تھا جسے دور کیا گیا ہے اور’جائیکا‘پاکستان کے لاکھڑا پاور پراجیکٹ میں سرمایہ کاری کرے گا۔

وفاقی وزیر نے بتایا کہ جاپان اس پروجیکٹ میں 85 کروڑ ڈالر کی سرمایہ کاری کرے گا۔

اسحاق ڈارکا کہنا تھا کہ کراچی سرکلر ریلوے کے معاملے میں بھی جائیکا کے ساتھ پیشرفت ہوئی ہے۔ انہوں بتایا کہ قبضے کے باعث کراچی سرکلر ریلوے پراجیکٹ میں مشکلات ہیں۔

پنجاب میں گزشتہ سات روز سے جاری پٹرول بحران پراسحاق ڈار کا کہنا ہے کہ ’’سب کچھ ٹھیک تھا خدا جانے یہ بحران کیسے آگیا‘‘۔ ایسا محسوس ہوتا ہے کہ کسی نے ہماری حکومت کے خلاف سازش کی ہے۔

انہوں نے کہا کہ بحران کے حوالے سے قیاس آرائیوں کی جارہی ہیں، طلب اور رسد میں توازن کے لئے اقدامات کررہے ہیں۔

ان کا کہنا تھا کہ وزارت خارجہ کے ذمے پاکستان اسٹیٹ آئل کے کوئی بقایا جات نہیں ہیں اورنہ ہی مالی معاملات کی وجہ سے بحران آیا ہے۔

ان کا کہنا تھا کہ حکومت کو عوام کی مشکلات کا اندازہ ہے بحران پرقابو پانے کی ہرممکن کوشش کررہےہیں۔

Comments

- Advertisement -
فواد رضا
فواد رضا
سید فواد رضا اے آروائی نیوز کی آن لائن ڈیسک پر نیوز ایڈیٹر کے فرائض انجام دے رہے ہیں‘ انہوں نے جامعہ کراچی کے شعبہ تاریخ سے بی ایس کیا ہے اور ملک کی سیاسی اور سماجی صورتحال پرتنقیدی نظر رکھتے ہیں