کراچی: پیراڈائز کے ساحل پر نہاتے ہوئے 4 لڑکے ڈوب گئے جن میں سے تین کو سمندر سے نکال لیا گیا جبکہ ایک کی تلاش جاری ہے۔
تفصیلات کے مطابق منگل کے روز کراچی سے ملحقہ ساحل پیراڈائزپوائنٹ پر ایک ہی خاندان کے چارکم سن لڑکے تیزلہروں کے سبب ڈوب گئے۔
ریسکیو اہلکاروں نے بروقت کاروائی کرتے ہوئے چارمیں سے تین کو ڈوبنے سے بچالیا گیا جبکہ چوتھے کی تلاش جاری ہے۔
لہروں کا نشانہ بننے والے لڑکوں کی عمریں 8 سے 12 سال کے درمیان ہیں، ریسکیو کئے گئے لڑکوں کو طبی امداد کے لئے سول اسپتال منتقل کیاگیا جن میں سے ایک اسپتال جاتے ہوئے راستے میں دم توڑ گیا۔
ایدھی اہلکار سمندر میں ڈوبنے والے چوتھے لڑکے کو تلاش کررہے ہیں۔
واضح رہے کہ سمندر میں طغیانی کے سبب تمام ساحلوں پر دفعہ 144 نافذ ہے جس کے تحت نہانے پرپابندی عائد ہے، لیکن عملے کی کمی کے سبب اس قسم کے واقعات ہرسال پیش آتے ہیں۔
گزشتہ سال 40 افراد سی ویو کے ساحل پرنہاتے ہوئے قاتل لہروں کا شکار ہوکرڈوب گئے تھے۔