پی آئی اے کے اہلکارکواسمگلنگ کے جرم میں پانچ سال سزا

اسلام آباد: پی آئی اے کے فضائی میزبان کو لندن کی عدالت نے زیرجامے میں 26 پاسپورٹس اسمگل کرنے کے الزام میں پانچ سزا سنا دی ہے۔

غیر ملکی اخبار کے مطابق پاکستان کی قومی ایئر لائن کے فضائی میزبان شوکت علی چیمہ کو برمنگھم میں اس وقت گرفتارکیا گیا جب ان کے زیر جامے کی خفیہ جیب سے 26 پاسپورٹ اور 37 پاسپورٹس کے ڈیٹا پیجز برآمد ہوئے۔

اس کے علاوہ ان کے زیرجامے کے خفیہ حصوں سے 13 ڈرائیونگ لائسنس بھی برآمد ہوئے۔

برطانیہ کی نیشنل کرائم ایجنسی کا کہنا ہے کہ چیمہ پاکستانی ایئر لائن کے لئے 40 سال سے کام کررہے ہیں۔

ایجنسی کا کہنا ہے کہ ان سے برآمد ہوئے پاسپورٹس اور دیگر ڈاکیومنٹس کا تعلق یورپ اوردیگر مغربی ممالک سے ہے۔

Comments