اسلام آباد: وزارت منصوبہ بندی و ترقیات نے مالی سال 2013-14ء میں سرکاری شعبے کے ترقیاتی پروگرام ( پی ایس ڈی پی ) کے لئے مجموعی طور پر 4 کھرب 42 کروڑ 5 لاکھ 59 ہزار روپے کے فنڈز جاری کر دیئے ہیں۔

پلاننگ کمیشن کے اعداد و شمار کے مطابق نیشنل ہائی وے اتھارٹی کے لئے 77 ارب 10 کروڑ 88 لاکھ، واپڈا پاور سیکٹر کے لئے 72 ارب 30 کروڑ 36 لاکھ، سیفران فاٹا کے لئے 17 ارب 42 کروڑ 70 لاکھ، پانی و بجلی ڈویژن کے واٹر سیکٹر کے لئے 32 ارب 80 کروڑ 43 لاکھ، ریلویز ڈویژن کےلئے 23 ارب 10 کروڑ 32 لاکھ، پاکستان اٹامک انرجی کمیشن کے لئے 48 ارب 26 کروڑ 94 لاکھ روپے، نیشنل ہیلتھ سروسز، ریگولیشنز اینڈ کو آرڈینیشن ڈویژن کے لئے 24 ارب 11 کروڑ 70 لاکھ روپے، ہایئر ایجوکیشن کمیشن کے لئے 14 ارب 86 کروڑ 38 لاکھ اور کابینہ ڈویژن کے لئے 25 ارب 29 کروڑ 87 لاکھ روپے سمیت مختلف ترقیاتی منصوبوں کے فنڈز جاری کیئے۔