اسلام آباد : تحریک انصاف کے رہنما شاہ محمود قریشی نے حکومت سےآج مذاکرات کے امکان کو مسترد کردیا۔ ان کا کہنا تھا کہ پرویز رشید مذاکرات کی بحالی میں سب سے بڑی رکاوٹ ہیں۔
وفاقی وزیراطلاعات پرویز رشید کے دھیمے لہجے میں سخت بیانات نے حکومت اور تحریک انصاف میں دوریاں مزید بڑھادیں۔ آج ہونے والے مذاکرات پھر ڈیڈلاک کا شکار ہوگئے۔
شاہ محمود قریشی کاکہناہے کہ پرویز رشید کے ہوتے ہوئے مذاکرات کے لیے سازگار ماحول پیدا نہیں کیا جاسکتا،حکومتی وزرا خاص طور پر پرویز رشید اپنے بیانات سے مذاکراتی عمل سبوتاژ کررہے ہیں،
دو روز قبل وزیر خزانہ اسحاق ڈار نے اتوار سے مذاکرات شروع کرنے کا عندیہ دیاتھا۔مذاکرات کی بحٓالی کےلیےکل وزیراعظم نےاہم اجلاس بلایا ہے۔ جس میں پرویزرشید بھی شریک ہوں گے۔
خبریں یہ بھی ہیں کہ زاہد حامد کی جگہ پرویز رشید کو مذاکراتی ٹیم میں شامل کیا گیا تو مذاکرات شروع ہونے سے پہلے ختم ہوسکتے ہیں۔
