بڑھتی عمر آسٹیوپروسس کے خطرے کے بنیادی عوامل میں سے ایک ہے، آسٹیوپروسس سے ہڈیاں کمزور ہوجاتی ہیں اور ہڈیوں میں فریکچر کے امکانات بھی زیادہ بڑھ جاتے ہیں۔
طبی ماہرین کے مطابق چند احتیاطی تدابیر اپنا کر ہڈیوں کے بھر بھرے پن سے بڑی حد تک نجات حاصل کی جاسکتی ہے۔روزانہ دھوپ کی روشنی لینے سے جسم میں وٹامن ڈی کی مقدار بڑھ جاتی ہے، جس کی وجہ سے کیلشیم جذب کرنے میں مدد ملتی ہے جبکہ کیلشیم کی گولیاں ، دودھ، پنیر اور دہی کے استعمال سے بھی کیلشیم ملتا ہے۔
سامن مچھلی، سارڈین مچھلی اورانڈے کی سفیدی میں وٹامن ڈی اور کیلشیم کی وافر مقدار پائی جاتی ہے۔ سبزیاں بھی کیلشیم اور وٹامن ڈی حاصل کرنےکا ایک نعم البدل ذریعہ ہے، جیسا کہ اروی کے پتے، گوبھی، پالک اور بروکولی میں کیلشیم بڑی مقدار میں ہوتا ہے۔ اس کے علاوہ پھلوں میں سٹرس فروٹ کیلشیم کو جذب کرنے میں مدد دیتے ہیں۔
