ابوظہبی : پاکستان اور نیوزی لینڈ کے مابین کھیلے جارہے چوتھے ون ڈے میچ میں نیوزی لینڈ نے ٹاس جیت کربیٹنگ کا فیصلہ کیا ہے۔
پاکستان کرکٹ بورڈ نے نیوزی لینڈ کے خلاف چوتھے ون ڈے میں حاصل ہونے والی آمدنی کو پشاور متاثرین کو دینے کا اعلان کیا ہے۔
شہدا کی یاد میں کھلاڑی بازوؤں پر سیاہ پٹیاں باندھ کر میچ میں شریک ہیں۔ تفصیلات کے مطابق پاکستان اور نیوزی لینڈکے درمیان چوتھے ون ڈے کے آغاز سے قبل پشاور سانحے کے شہداد کی یاد میں دو منٹ کی خاموشی اختیار کی گئی۔
اس موقع پر کھلاڑی آبدیدہ ہوگئے۔ کھلاڑی بازوؤں پر سیاہ پٹیاں باندھ کر میچ میں حصہ لے رہے ہیں ۔ پی سی بی نے میچ سے حاصل ہونے والی آمدنی پشاور متاثرین کو دینے کا فیصلہ کیا ہے۔
چئیرمین پی سی بی شہریار خان کا کہنا ہے کہ پشاور واقعے کی جتنی بھی مزمت کی جائے وہ کم ہے۔ پاکستان کرکٹ بورڈ اور پوری قوم شہدا کے لواحقین کے ساتھ کھڑی ہے۔
قومی کرکٹ ٹیم کے کپتان شاہد آفریدی کاکہنا تھا کہ پشاور سانحے پر کھلاڑی افسرد ہ ہیں۔ ادھر لاہور میں ہونے والاملالہ کرکٹ چیمپئین شپ کا فائنل اور پاکستان اے اور کینیا کے درمیان ہونے والا چوتھا ون ڈے بھی ملتوی کردیا گیا ہے۔
