تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

چوہدری سرورنے تحریک انصاف میں شمولیت اختیارکرلی

اسلام آباد: سابق گورنر پنجاب چوہدری محمد سرور نے تحریک انصاف میں شمولیت اختیارکرلی، تقریبِ حلف برداری سے خطاب کرتے ہوئے انہوں نے کہا کہ پاکستان کے بڑے مسائل کی بنیادی وجہ کرپشن اوربیڈ گورننس ہے۔

چوہدری محمد سرور نے تحریک انصاف کے کارکنوں سےخطاب کرتے ہوئے کہا کہ ساری زندگی قانون کی حکمرانی پر یقین رکھا ہے اور اس کے لئے جدوجہد کی ہے۔

انکا کہنا تھا کہ کہ قیادت کا یہاں مجود ہونا پارٹی صدر کے عہدے سے زیادہ اہم ہے۔ انہوں نے تحریک انصاف کی جانب سے پیش کردہ صدر کے عہدے کو قبول کرنے سے انکار کردیا۔

انہوں نے کہا کہ گورنر کا عہدہ میرے لئے اعزاز کی بات تھی، بڑے بڑے محلات میری منزل نہ تھے اسی لئے اپنے عہدے سے استعفیٰ دے دیا۔

ان کا کہنا تھاکہ جو شخص بھی تبدیلی کی بات کرتا ہے اس پر تحریکِ انصاف سے تعلق کا لیبل لگ جاتا ہے۔

انہوں نے بتایا کہ بحیثیت ممبر برطانوی پارلیمنٹ انہوں نے کشمیر، افغانستان ، عراق اور فلسطین کے مسائل کو ہمیشہ اجاگر کیا اور ان کے حقوق کے لئے آواز اٹھائی۔ ان کا ماننا ہے کہ اگر عالمی برادری ان ملکوں میں انصاف کا معاملہ کرتی تو آج دنیا میں اتنی دہشت گردی نہ ہوتی۔

چوہدری سرور کا کہنا تھا کہ پاکستانی قوم ایک انتہائی بہادر قوم ہے جس نے ہر مشکل سے نبرد آزما ہونا سیکھا ہے۔

انہوں نے تحریک انصاف کی قیادت اورکارکنوں کو اپنے چالیس سالہ سیاسی تجربے کا نچور پیش کرتے ہوئے کہا کہ ’متحد رہ کر ہی ہم آگے بڑھ سکتے ہیں اختلاف کی صورت میں شکست ہمارا مقدر بن جائے گی۔‘

اس موقع پر تحریک انصاف کے سربراہ عمران خان نے خطاب کرتے ہوئے کہا کہ فیمیلی لمیٹڈ حکومتوں کی اب پاکستان میں کوئی گنجائش نہیں ہے۔

انہوں نے کہا کہ چوہدری سرور برطانیہ میں کوئی عام سیاستدان نہیں تھے بلکہ انہوں نے لیبرپارٹی کی آرگنائزیشن میں اہم کردار ادا کیا ہے۔

انہوں سابق گورنر پنجاب چوہدری محمد سرور کو پاکستان تحریک انصاف میں خوش آمدید کہا۔

Comments

- Advertisement -
فواد رضا
فواد رضا
سید فواد رضا اے آروائی نیوز کی آن لائن ڈیسک پر نیوز ایڈیٹر کے فرائض انجام دے رہے ہیں‘ انہوں نے جامعہ کراچی کے شعبہ تاریخ سے بی ایس کیا ہے اور ملک کی سیاسی اور سماجی صورتحال پرتنقیدی نظر رکھتے ہیں