کراچی : منگھو پیر میں نامعلوم افراد کی فائرنگ سے ایک شخص جاں بحق ایک زخمی ہوا زخمی زشخص جان بچانے کی کوشش میں تھانے جاپہنچا،پولیس و رینجرز نےمخلتف کارروائیوں میں بائیس ملزمان کو گرفتار کیا جبکہ فائرنگ سے تین دہشت گرد ہلاک ہوئے،
تفصیلات کے مطابق کراچی میں منگھوپیر سلطان آباد میں مسلح ملزمان نے کار کا تعاقب کرتےہوئے فائرنگ کی جس سے ایک شخص جاں بحق اور ا یک زخمی ہوگیا ۔ زخمی شخص جان بچانے کیلئے کار پر فرار ہوکرنیوکراچی بلال کالونی تھانے جاپہنچا ۔ویسٹ زون پولیس نے چوبیس گھنٹوں کے دوران مختلف کارروائیوں میں بیس ملزمان کو اسلحہ سمیت گرفتارکیا
لیاقت آبادمیں پولیس کے شکایتی کیمپ پر نامعلوم افراد نے فائرنگ سے خاتون سمیت دو افرادزخمی ہوئے ۔ رینجرزاور پولیس نے منگھو پیراجتماع گاہ میں مشترکہ کارروائی میں تین دہشت گردہلاک اور دو کو گرفتار کر لیا ۔
ملزمان سےبھاری مقدارمیں دھماکا خیزمواد اور خودکش جیکٹس بھی برآمد ہوئے ۔ دہشت گرد ناظم آبادمیں رینجرز ہیڈکوارٹر پرحملے کےماسٹرمائنڈتھے اور پولیس اہلکاروں کی ٹارگٹ کلنگ میں بھی ملوث تھے
