چینی صدر آج دو روزہ دورے پر پاکستان پہنچ رہے ہیں

اسلام آباد: چینی صدرشی چن پنگ دو روزہ دورے پر آج اسلام آباد پہنچ رہے ہیں، اپنے دورے میں وہ اہم شخصیات سے ملاقاتیں کریں گے اور اقتصادی تعاون کے کئی معاہدوں پر دستخط بھی ہوں گے۔

چینی صدر شی چن پنگ اپنے دو روزہ دورے کے دوران صدر اور وزیرِاعظم سمیت اہم شخصیات سے باہمی دلچسپی کے امور پر تبادلہ خیال کریں گے، دونوں ممالک کے وفاقی وزراء اور سینئیر حکام بھی ملاقات کرتے ہوئے مختلف امور پر بات چیت کریں گے۔

ملاقاتوں کے بعد پنتالیس ارب ڈالر کے منصوبوں کے معاہدوں پر دستخط کیے جانے کا امکان ہے، چینی صدر مسلح افواج کے سربراہان اور چئیر مین جوائنٹ چیف آف اسٹاف سے بھی ملاقات کریں گے۔

اس دوران پاک چین تعلقات اور دفاعی شعبوں میں تعاون کے امور پر بھی بات چیت کی جائے گی، چینی صدر کے دورے کے دوران چار سو سولہ پولیس اہلکار سکیورٹی فرائض سرانجام دیں گے۔

Comments