واشنگٹن: امریکی نیشنل سیکیورٹی ایجنسی کے ڈائریکٹر ایڈمرل مائیک روجرز نے خبردار کیا ہے کہ چین سمیت چند ممالک اور گروہوں نے امریکہ کی توانائی کی تنصیبات، فضائی ادارےاور کاروباری مراکز کے کمپیوٹرز پر سائبر حملہ کرنے کی صلاحیت حاصل کرلی ہے۔
ایوانِ نمائندگان میں سائبر خطرات کو دیکھنے والی کمیٹی کو بریفنگ دیتے ہوئے مائیک کا کہنا تھا کہ ممکنہ حملہ آوراس قابل ہوچکے ہیں کہ امریکی سسٹم میں دخل اندازی کرسکیں۔
ان کا کہنا تھا کہ امریکہ کے خلاف اس صلاحیت کا استعمال کسی ملک کی طرف سے بھی ہوسکتا ہے اور کسی سائبر دہشت گرد گروہ کی جانب سے بھی ، اور اس ممکنہ حملے کے نتیجے میں عارضی طور پر امریکہ کا تمام نظام مفلوج ہوسکتا ہے۔
روجر کا کہنا تھا کہ وہ ممالک جو ممکنہ طورپرامریکہ کو نشانہ بنا سکتے ہیں ان میں سرِ فہرست چین ہے جب کہ دیگر ممالک بھی یہ صلاحیت رکھتے ہیں۔
دوسری جانب امریکی سیکیورٹی ایجنسی کی جانب سے عائد کردہ الزام کے جواب میں چینی وزارتِ داخلہ کے ترجمان ہانگ لائی کا کہنا ہے کہ چینی حکومت کی جانب سے سائبر ہیکنگ جرم ہے اور چین خود سائبر حملوں کا نشانہ بنتا رہا ہے جن میں سے اکثرو بیشتر کا امریکہ ہوتا ہے۔