گھوٹکی: کچے کے علاقے میں ڈاکو پولیس چوکی پرحملہ کرکے سات پولیس اہلکاروں کو اغوا کرکے لئے گئے۔
تفصیلات کے مطابق ہفتے اور اتوار کی درمیانی شب سندھ اور پنجاب کے سرحد کے درمیان واقع کچے کے علاقے میں ڈاکووٗں نے پولیس چوکی پرحملہ کیا اور ایک اے ایس آئی سمیت سات پولیس اہلکاروں کو اغوا کرلیا۔
ذرائع کے مطابق ڈاکوؤں کی جانب سے یہ کاروائی گھوٹکی اور رحیم یار خان کے درمیانی علاقے میں کی گئی اور اس میں 30 سے زائد ڈاکو شامل تھے۔
سندھ اور پنجاب کی پولیس نے واقعے کی اطلاع ملتے ہی بڑے پیمانے پرکاروائی کرنے کا فیصلہ کرتے ہوئے مشترکہ سرچ آُپریشن شروع کردیا ہے۔
واضح رہے کہ سندھ اور پنجاب کے سرحدی علاقے میں سرگرم کئی گروہ قانون نافذ کرنے والے اداروں کے خلاف کاروائیوں میں مصروف رہتے ہیں۔
Comments
- Advertisement -
