تازہ ترین

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

ڈاکٹر طاہر القادری کی حکومت کو ڈیڈ لائن ، ختم ہونے میں 12گھنٹے باقی

اسلام آباد:  ڈاکٹر طاہر القادری کی جانب سے حکومت کی دی جانے والی ڈیڈ لائن ختم ہونے میں بارہ گھنٹے باقی رہ گئے، ڈاکٹر طاہر القادری کا کہنا ہے کہ ملک وسائل سے مالامال ہے، کسی سےقرض لینے کی ضرورت نہیں، انہوں نےملکی آمدنی میں اضافے کیلئے آٹھ نکاتی فارمولا بھی پیش کردیا ہے۔

پاکستان عوامی تحریک کے سربراہ ڈاکٹر طاہرالقادری کی جانب سے حکومت کو مطالبات پورے کرنے کیلئے دی جانے والی ڈیڈ لائن میں تیرہ گھنٹے رہ گئے ہیں، انکا کہنا تھا کہ ڈیڈ لائن گزرنے کے بعد فیصلہ عوام کا ہوگا اور وہ ذمہ دار نہ ہوں گے۔

اسلام آباد کی خیابان سہروردی میں رات گئے عظیم الشان جلسے سے خطاب کرتے ہوئے ڈاکٹر طاہرالقادری نے کہا کہ نواز شریف اور شہباز شریف اڑتالیس گھنٹوں سے پہلے مستعفی ہوجائیں ، اسمبلیاں تحلیل کردیں اور گرفتاری پیش کردیں۔

ڈاکٹر طاہر القادری نے کہا کہ انکی جانب سے انقلاب کیلئے ڈیڈ لائن دیئے جانے کے بعد مارچ کے شرکاء اور ان پر دہشت گردی کے حملے کا خطرہ ہے ۔ اگر حملہ ہوا تو نواز شریف ، شہباز شریف، ان کی کابینہ اور وزرا کے خلاف مقدمہ درج کرایا جائے گا۔

اپنی تقریر کے دوران ڈاکٹر ظاہر القادری نے امیگریشن حکام کو مخاطب کرکے کہا کہ سانحہ ماڈل ٹاؤن کے ذمہ دار رانا ثنااللہ ، رانا مشہود اور حکمرانوں کو ملک سے فرار ہونے کی اجازت نہ دی جائے اور انھیں گرفتار کرلیا جائے ۔

ڈاکٹر طاہرالقادری نے مارچ کے شرکاء سے کہا کہ وہ چوکس رہیں اور سونے اور جاگنے کیلئے باری طے کرلیں، انھوں نے عوام سے اپیل کی کہ وہ گھروں میں نہ رہیں اور انقلاب کا عملی حصہ بننے کیلئے گھروں سے باہر نکل آئیں۔

Comments

- Advertisement -