تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

ڈاکٹر عثمان سمیت6 مجرموں کو کل پھانسی دئیے جانے کا امکان

فیصل آباد: سینٹرل جیل انتظامیہ کو جی ایچ کیو حملہ کیس کے ملزم ڈاکٹر عثمان سمیت چھ ملزمان کے ڈیتھ وارنٹ موصول ہوگئے، کل صبح پھانسی دئیے جانے کا امکان ہے۔

آرمی چیف کے دستخط شدہ چھ دہشتگردوں کے ڈیتھ وارنٹ فیصل آباد جیل حکام کو موصول ہوگئے ہیں، جی ایچ کیو حملہ کیس کے مرکزی ملزم عقیل عرف ڈاکٹر عثمان سمیت چھ ملزمان کو کل صبح پھانسی دئیےجانے کا امکان ہے۔

ڈاکٹر عثمان کے ساتھ تختہ دار پر جانے والوں میں نائب ارشد محمود، رشید قریشی، غلام سرور بھٹی، اشفاق احمد شامل ہیں۔

ذرائع کے مطابق مجرموں کا میڈیکل چیک اپ بھی کرلیا گیا ہے، سینٹرل جیل میں ڈاکٹر عثمان کے والدین سے اس کی آخری ملاقات کرا دی گئی ہے، ڈاکٹر عثمان کے والدین سینٹرل جیل میں ایک گھنٹے تک موجود رہے۔

واضح رہے کہ ڈاکٹر عثمان سابق صدر پرویزمشرف، جی ایچ کیو اور سری لنکن کرکٹ ٹیم پر حملوں سمیت کئی مقدمات میں ملوث تھا، راولپنڈی کی تحصیل کہوٹہ سے تعلق رکھنے والا محمد عقیل عرف ڈاکٹر عثمان آرمی میڈیکل اسٹور کا سابق سپاہی تھا، فوج کا تیس سالہ سابق ملازم پنجاب میں فرقہ وارانہ تنظیموں کا تربیت یافتہ تھا ۔

جو لاہور میں سری لنکا کی کرکٹ ٹیم  پر حملے کا منصوبہ ساز اور حملہ آور گروہ کا سرغنہ تھا، عقیل سابق صدر پرویز مشرف پر حملے کی منصوبہ بندی میں بھی ملوث تھا، اس کے معاونت سے پنجاب میں دہشت گردی کی وارداتیں کی جاتی رہیں، خودکش جیکٹ پہنے عقیل نے جی ایچ کیو پر حملے کے دوران باوردی سرنگیں نصب کر کے پانچ کمانڈوز کو شہید کیا تھا۔

جس کے بعد شدید زخمی اور بیہوشی کی حالت میں فوج کے ہاتھوں دھر لیا گیا تھا، جی ایچ کیو حملے کے دوران محمد عقیل واحد حملہ آور تھا جو بچ گیا تھا، گرفتاری کے بعد ڈاکٹر عثمان پر فوجی عدالت میں مقدمہ چلایا گیا، جہاں اسےسزائے موت کا حکم دیا گیا تھا۔

Comments

- Advertisement -