واشنگٹن: امریکی اسٹیٹ ڈیپارٹمنٹ نے انکشاف کیا ہے کہ یمن میں کئی امریکی شہری پھنسے ہوئے ہیں، اب تک موصول ہونے والے اطلاعات کے مطابق چارامریکی شہریوں کی یمن میں تصدیق ہوگئی ہے۔
امریکی اخبار کے مطابق امریکہ کے شہری حوثی قبائل کی تحویل میں ہیں اورانہیں یمن کے دارالحکومت صنعا کے نزدیکی علاقے میں رکھا گیا ہے اورامریکہ کے حوثیوں کے ساتھ کسی قسم کے تعلقات نہیں ہیں جن کے ذریعے امریکی شہریوں کو بازیاب کرایا جاسکے۔
اخبارکے مطابق یمن میں قید تین امریکی شہری وہاں پر ملازمت کر رہے تھے جبکہ چوتھا شخص یمنی اورامریکی دوہری شہریت رکھتا ہے۔
امریکی اسٹیٹ ڈیپارٹمنٹ کے مطابق امریکی شہریوں کی بازیابی کےلئے ہرممکن کوشش کی جارہی ہے۔
اسٹیٹ ڈیپارٹمنٹ کے اعلیٰ عہدیدار کے مطابق ان کے لئے امریکہ سے باہر امریکی شہریوں کی حفاظت سب سے اہم ہے۔
واضح رہے کہ ایران کی طرح یمن کے حوثی قبائل بھی ’’مرگ برامریکہ‘‘ کے نعرے میں یقین رکھتے ہیں۔
