کالعدم تحریک طالبان پاکستان نے جماعت الاحرار کے نام سے نئی تنظیم کا اعلان کردیا ہے، مولانا قاسم عمر خراسانی کو تحریک طالبان جماعت الاحرار کا نیا امیر نامزد کر دیا گیا ہے۔
تحریک طالبان پاکستان پھر ٹوٹ پھوٹ کا شکار ہوگئی، پاکستان میں ایک عرصے سے دہشت گرد حملوں اور بم دھماکوں میں ملوث سابق کمانڈر مولانا قاسم عمر خراسانی کو جماعت الاحرار کا نیا منتخب امیر طالبان بنا دیا گیا ہے۔
زرائع کے مطابق اورکزئی ایجنسی، باجوڑ، مہمند ایجنسی ، احرارالہند اور خیبرایجنسی کے کارکن جماعت الاحرار کا حصہ ہونگے، مولانا قاسم عمر خراسانی نے ہدایت دی ہے کہ تحریک طالبان کے تمام دھڑے جماعت الاحرار میں شمولیت اختیار کریں ۔
نامزد امیر کا کہنا ہے کہ تحریک طالبان کی قیادت ہمیشہ سے شخصی اغراض و مقاصد کا شکار رہی ہے،اتحاد و اتفاق وقت کی ضرورت ہے۔
امیر تحریک طالبان جماعت الاحرار نے کہا کہ تحریک طالبان پاکستان کو متفق و متحد رکھنے کی کوششیں بار آور ثابت نہیں ہوئیں، اسلئے الگ گروپ کا اعلان کیا۔
