پانی انسانی جسم کے لیے ضروری ہےاور پانی کی مقدار میں کمی سے اس کی زندگی کو خطرہ لاحق ہوتا ہے۔
صاف اور شفاف پانی انسانی جسم سے مضر اور آلودہ مادوں کو خارج کرکے تندرستی میں مدد گار ہوتا ہے، غیر شفاف اور آلودہ پانی کئی ایک امراض جیسے ٹائیفائیڈ، ہیضہ، پیچش، اسہال، قبض، بد ہضمی اور پیٹ کی خطرناک بیماریوں کا سبب بنتا ہے۔
پانی مزاج کے لحاظ سے سرد تر ہے، یہ پیاس بجھاتا ہے اور بے ہوشی، تھکاوٹ، ہچکی، قے اور قبض کے امراض کو دور کرنے میں کام آتا ہے۔ پانی پینے سے جسم سے آلودہ مادے خارج ہوتے ہیں، پانی خون کو گاڑھا ہونے سے بچاتا اور دورانِ خون کی کار کردگی کو بحال اور رواں رکھنے میں انتہائی اہم کردار ادا کرتا ہے۔
پانی جلد کو ملائم، نرم اور خوب صورت بناتا ہے، پانی پینے کی مقدار میں اضافہ کرکے قبض کے مرض سے بچا جاسکتا ہے۔
Comments
- Advertisement -
