چیئرمین سی این جی ایسوسی ایشن غیاث پراچہ کی اپیل پر سی این جی مالکان اور ٹرانسپورٹرز نے ہڑتال ختم کردی، ہڑتال ختم ہونے کے بعد کراچی کے سی این جی اسٹیشنز کھلنا شروع ہوگئے۔
سی این جی اسٹیشن مالکان اور ٹرانسپورٹ اتحاد نے سی این جی بندش شیڈیول پر تحفظات کا اظہار کرتے ہوئے غیر معینہ مدت تک ہڑتال کا اعلان کیا تھا، چیئرمین سی این جی ایسوسی ایشن غیاث پراچہ کی اپیل پر سی این جی مالکان اور ٹرانسپورٹرز نے ہڑتال ختم کرنے کا اعلان کیا، جس کے بعد کراچی کے تمام سی این جی سٹیشنز کھلنا شروع ہوگئے۔
سی این جی اسٹیشنز اور ٹرانسپورٹرز کی ہڑتال کی وجہ سے شہریوں کو شدید مشکلات کا سامنا کرنا پڑ رہا تھا، شہری پبلک ٹرانسپورٹ نہ ہونے کے باعث سخت سردی میں گھنٹوں اسٹاپ پر کھڑے سواری کا انتطار کرتے رہے، موقع سے فائدہ اٹھاتے ہوئے ٹیکسی اور رکشہ ڈرائیوروں نے من مانے کرائے وصول کئے۔
سندھ میں سی این جی بندش کے نئے شیڈول کے مطابق پیر کی صبح آٹھ بجے سے منگل کی صبح آٹھ بجے تک سی این جی اسٹیشنز بند رہیں گئے۔
