تازہ ترین

کراچی:لیاری میں مقابلہ،اہم ملزم ماب بلوچ سمیت3ہلاک

کراچی : شہر کے شورش زدہ علاقے لیاری میں پولیس اور رینجرز سے مقابلے کے دوران اہم ملزم ماب بلوچ سمیت گینگ وار کے تین ملزمان مارے گئے۔

ذرائع کے مطابق لیاری کی افشانی گلی میں پولیس اوررینجرز نے  جرائم پیشہ افراد کیخلاف مشترکہ کارروائی کی جس کے دوران ملزمان نے پولیس اور رینجرز کے اہلکاروں پر فائرنگ کی،جس کے بعد دو بدو فائرنگ کا تبادلہ ہوگیا۔

ملزمان نے رینجرز اور پولیس پر دستی بم بھی پھینکے۔ تاہم اس حملے میں خوش قسمتی سے کوئی اہلکار زخمی نہیں ہوا۔ البتہ کارروائی میں گینگ وار کا اہم کارندہ ماب بلوچ ساتھیوں سمیت مارا گیا۔

ذرائع کے مطابق ہلاک ملزمان لیاری میں قتل اقدام قتل ڈکیتی اور رہزنی اور جرائم کی متعدد وارداتوں میں ملوث اور پولیس کو مطلوب تھے۔

Comments

- Advertisement -