کراچی : کراچی اسٹاک مارکیٹ کریش ہوگئی ، سرمایہ کاروں کے بائیس ارب روپے ڈوب گئے، ہنڈریڈ انڈیکس میں بارہ سو پوائنٹس کمی ریکارڈ کی گئی ۔
کاروباری ہفتے کے آغاز پر کراچی اسٹاک مارکیٹ میں ابتدائی سیشن کے دوران شدید مندی کا رجحان رہا، ابتدائی سیشن کے دوران 100انڈیکس میں نو سے زائد پوائنٹس کی کمی ریکارڈ کی گئی۔
مارکیٹ ذرائع کے مطابق 100 انڈیکس میں ہونے والی کمی کی وجہ تیزی کے ساتھ ہونے والا آوٹ فلو ہے، جس کے باعث آج 100 انڈیکس میں 1200 پوائنٹس کی کمی ریکارڈ کی گئی۔
واضح رہے کے گزشتہ دو ہفتوں کے دوران تین کروڑ نوے لاکھ ڈالر مارکیٹ سے نکالے جاچکے ہیں۔
کراچی اسٹاک ایکس چینج میں گزشتہ ہفتے بھی شدید مندی کا رجحان رہا، کے ایس ای 100 انڈیکس 6 ماہ کی کم ترین سطح 30 ہزار سے بھی نیچے آگیا، سرمایہ کاروں کے 15 ارب روپے ڈوب گئے۔
کاروباری ہفتے کے آخری روز 721 پوائنٹس کی مندی ریکارڈ کی گئی۔
عالمی مارکیٹ میں تیل کی قیمتوں میں مسلسل کمی کے باعث 2 ماہ میں 5 ہزار پوائنٹس کی کمی ریکارڈ کی جاچکی ہے۔
