کراچی: رینجرز اور پولیس نے لیاقت آباد اور فرنٹیئر کالونی سے پینتیس سے زائد افراد کو حراست میں لے لیا، گرفتار شدگان میں سیاسی جماعت کے ذمہ دار بھی شامل ہیں۔
سانحہ کراچی کے بعد رینجرز نے لیاقت آباد اور فرنٹئیر کالونی سے پینتیس سے زائد مشتبہ افراد کو حراست میں لے لیا۔
لیاقت آباد میں ٹارگٹڈ آپریشن کے دوران پندرہ افراد کو حراست میں لیا گیا، حراست میں لئے جانے والوں میں سیاسی جماعت کے یونٹ انچارج ،جوائنٹ یونٹ انچارج اورکمیٹی ممبران سمیت پندرہ افراد شامل ہیں ۔گرفتار شدگان کو نامعلوم مقام پر منتقل کر دیا گیا ہے۔
ذرائع کا کہنا ہے کہ حراست میں لئے جانے والوں سے کراچی میں ٹارگٹ کلنگ کے حوالے سے تفتیش کی جارہی ہے ، ایک اور کاروائی میں پولیس نےفرنٹئیر کالونی میں سرچ آپریشن کے دوران بیس سے زائد افراد کو حراست میں لے کر تھانے منتقل کردیا۔
Comments
- Advertisement -
