تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

کراچی: ساحل سمندر پر دفعہ 144 نافذ

کراچی : شہرِ قائد کے ساحل سے سمندری طوفان کے ٹکرانے  ساحل پر دفعہ ایک سو چوالیس نافذ کرکے سمندر میں نہانے پر پابندی لگادی گئی، لیکن شہریوں نے پابندی کے احکامات کا ہوا میں اڑادیا۔

کراچی میں سمندر کی آتی جاتی لہروں نے خطرے کی گھنٹی بجا دی ہے اور انتظامیہ نے بھی اشوبھا نامی طوفان کے خطرے کے پیشِ نظر حفاظتی اقدامات  کرنے شروع کردیئے ہیں۔

انتظامیہ نے سمندر کنارے دفعہ ایک سو چوالیس لگا دی ہے، جس کے تحت نہانے پر پابندی ہے۔

محکمہ موسمیات کا کہنا ہے کہ طوفان کراچی کے جنوب میں 1575 کلومیٹر دور ہے، طوفان کی نوعیت کا صحیح اندازہ آئندہ 24 گھنٹے میں لگایا جاسکے گا جبکہ ممکنہ طوفان کے باعث لہریں اونچی ہونے کا خدشہ ہے۔

شہریوں کا کہنا ہے کہ کراچی ایک ہی تو جگہ ہے تفریح کی، سمندر کنارے تفریح کے لئے آئی خاتون کا کہنا ہے کہ چھٹیوں میں بچوں کی خاطر گھر سے سیر کے لئے نکلے تھے لیکن طوفان نے تفریح کا بیڑا غرق کر ڈالا۔

Comments

- Advertisement -