میر پور آزاد کشمیر : عمران خان نے کہا ہے کہ آج میر پور کے جلسہ میں لوگوں کی تعداد دیکھ کر الطاف حسین کا جلسہ یاد آگیا،لیکن ان جلسوں میں زندہ لاشیں بیٹھی ہوتی ہیں کیونکہ جلسوں میں عوام کو زبردستی لایا جاتا ہے۔
ان خیالات کا اظہار انہوں نے میر پور آزاد کشمیر میں تحریک انصاف کے انتخابی جلسے سے خطاب کرتے ہوئے کیا،انہوں نے کہا کہ اگلا جلسہ کراچی میں کر کے الطاف حسین کو شکست دوں گا۔
تفصیلات کے مطابق پاکستان تحریک انصاف نے آزاد کشمیر میں بھرپور عوامی قوت کا مظاہرہ کیا،عمران خان نے نواز شریف، آصف زرداری اور الطاف حسین پر بھرپور حملے کئے۔
کہتے ہیں دونوں بھائیوں کی پارٹنر شپ توڑدی اوراب فرعون کی طرح الطاف حسین کا بھی وقت آ گیاہے، ان کا کہنا تھا کہ جلد ہی کراچی میں بھی جلسہ کرکے الطاف حسین کو شکست سے دو چار کروں گا۔
عمران خان نے نواز شریف اور آصف زرداری کو شدید تنقید کا نشانہ بناتے ہوئے کہا کہ دونوں بھائیوں کا پیسہ ملک سے باہر پڑا ہے،اور یہ پیسہ عوام کی جیبوں سے نکالا گیا۔
انہوں نے میر پور آزاد کشمیر کی عوام کو مخاطب کرتے ہوئے کہا کہ وہ بیرسٹر سلطان کو ووٹ دے کر تحریک انصاف کو مظبوط کریں۔
