اسلام آباد: سپریم کورٹ میں لاپتہ افراد کیس کی سماعت کے دوران ایڈیشنل ایڈوکیٹ جنرل سندھ نے رپورٹ جمع کرادی، کراچی میں پانچ سال میں تین سو اٹھانوے لاوارث لاشیں ملیں۔
سپریم کورٹ میں لاپتہ افراد کیس کی سماعت ہوئی، سپریم کورٹ نے صوبوں کو لاپتہ افراد کے بارے میں مکمل رپورٹ جمع کرانے کی ہدایت کی تھی، سندھ کی جانب سے صوبائی ایڈیشنل ایڈووکیٹ جنرل نے رپورٹ عدالت عظمی میں جمع کرائی۔
رپورٹ میں بتایا گیا ہے کہ کراچی میں پانچ سال میں تین سو اٹھانوے لاوارث لاشیں ملیں، جن میں تین سو چار لاشوں کی شناخت ہوسکی جبکہ چورانوے لاشوں کی شناخت نہیں ہوسکی۔
لاشوں کی شناخت کیلئے چوراسی اشتہار دیئے گئے ہیں جبکہ چھ لاشوں کا ڈی این اے ٹیسٹ بھی کرایا گیا، دو ہزار دس میں چورانوے میں سے اکتیس لاشوں کی شناخت ہوئی۔
دو ہزار بارہ میں 80لاشیں ملیں اور 69کی شناخت ہوئی اور 2014میں 65لاشیں ملیں اور 44کی شناخت ہوئی۔ 2010سے2015تک 398لاشیں ملیں، جن میں سے 304کی شناخت ہوئی۔
